“Taalaab To Barsat Main Ho Jaate Hain Kam-Zarf
Bahar Kabhi Aape Se Samundar Nahin Hota”
– EJAZ RAHMANI
“Takoge Raah Sahaaron Ki Tum Miyan Kab Tak
Qadam Uthao Ki Taqdir Intizar Main Hai…”
– Tabish Mehdi
“Iss se Pahle Ki Bewafa Ho Jaen
Kyun Na Aye Dost Hum Juda Ho Jaen”
-Ahmad Faraz
“Apni Manzil Pe Pahunchna Bhi Khade Rahna Bhi
Kitna Mushkil Hai Bade Ho Ke Bade Rahna Bhi”
– Shakeel Azmi
“Jhut Bola Hai To Qaem Bhi Raho Us Par ‘Zafar’
Aadmi Ko Sahab-e-Kirdar Hona Chahiye…”
– Zafar Iqbal
“Jab Kabhi Bolna, Waqt Pr Bolna
Muddatton Sochna, Mukhtsar Bolna”
-Tahir Faraz
“Aagah Apni Maut Se Koi Bashar Nahin
Saman Sau Baras Ka Hai Pal Ki Khabar Nahin”
– Hairat Allahabadi
“Mai Tumhe Apne Usoolon Ki Kasam Deta Hoon
Mujhko Mazhab Ke Tarazu Mai Na Taula Jaaye
Maine Inshan Hi Rhne Ki Kasam Khai Hai
Mujhe Hindu Ya Muslman Na Samjha Jaaye”
– Ashok Sahil
“Khud Ko Itna Jo Hawa-Daar Samajh Rakkha Hai
Kya Hume Ret Ki Deewar Samajh Rakkha Hai ?Humne Kirdaar Ko Kapde Ki Tarah Pehna Hai
Tumne Kapdon Hi Ko Kirdaar Samajh Rakkha Hai “
– Haseeb Soz
“Kr Rha Tha Gham-e-Jahan Ka Hisaab
Aaj Tum Yaad …. Be-Hisaab Aaye”
– FAIZ-AHMED FAIZ